Tónleikar til heiðurs Smiths

Tónleikar til heiðurs bresku hljómsveitinni The Smiths verða haldnir á Kexi hosteli í kvöld.

Félagarnir Ottó Tynes og Stefán Már Magnússon standa fyrir tónleikunum, en þeir hafa verið dyggir aðdáendur sveitarinnar síðan þeir voru á unglingsárum. Þetta er annað árið í röð sem þeir halda Smiths-tónleika. Síðast voru þeir haldnir í apríl í fyrra við góðar undirtektir.

Ottó og Stefán Már verða aðallega tveir að spila á fimmtudag en fá einnig nokkra gestasöngvara og hafa Mr. Silla, Baddi í Jeff Who? og Halldór Gylfason leikari öll boðað komu sína. Tónleikunum lýkur þegar heil hljómsveit spilar sex lög með The Smiths.

Þess má geta að um þessar mundir eru liðin þrjátíu ár síðan fyrsta smáskífan, Hand in Glove, kom út með hljómsveitinni.