Rappari fluttur á sjúkrahús

Rapparinn Lil Wayne var fluttur á sjúkrahús fyrir skömmu í þriðja sinn á aðeins sex mánuðum.

Samkvæmt TMZ fór Wayne á sjúkrahús eftir að hafa hnigið niður við tökur á tónlistarmyndbandi í Los Angeles. Hann er kominn heim til sín núna og líður mun betur, aðdáendum hans til mikils léttis. Wayne hneig tvisvar niður um borð í tveimur mismunandi flugvélum í október í fyrra.

Fulltrúi rapparans hélt því fram að hann ætti í vandræðum vegna mígrenis. Hinn þrítugi Lil Wayne sagði í fyrra að hann ætlaði að gefa út tvær plötur til viðbótar áður en hann hættir í tónlistinni.