Brown reiddist bílastæðaverði

Tónlistarmaðurinn Chris Brown, unnusti Rihönnuh, missti stjórn á skapi sínu og hótaði bílastæðaverði fyrir utan keiluhöll í Hollywood í vikunni.

Brown var viðstaddur góðgerðarsamkomu í keiluhöllinni. Samkvæmt heimildarmönnum slúðursíðunnar TMZ.com reyndi vörðurinn að rukka söngvarann um tíu dollara fyrir stæðið, meðan aðrir voru einungis rukkaðir um fimm dollara.

„Chris hélt að vörðurinn ætlaði að svindla á sér vegna þess að hann er frægur. Þetta snerist ekki um peninga heldur sannfæringu,“ sagði heimildarmaðurinn.