Leikstýrir kvikmynd

Grínistinn og þáttastjórnandinn vinsæli, John Stewart, hyggst taka sér stutt frí frá The Daily Show í sumar til að leikstýra sinni fyrstu kvikmynd. Myndin ber titilinn Rosewater og er handrit hennar byggt á bókinni Then They Came For Me: A Family’s Story Of Love, Captivity And Survival eftir fréttamanninn Maziar Bahari.

Bókin segir frá því þegar Bahari heimsótti Íran árið 2009 í þeim tilgangi að flytja fréttir af forsetakosningunum þar í landi. Bahari átti aðeins að dvelja í viku í landinu en var handtekinn fyrir njósnir og fangelsaður í 118 daga.

Stewart skrifar einnig handrit myndarinnar en Scott Rudin mun framleiða hana.