Sýnt úr nýjum þætti Heru

Leikkonan unga og efnilega Hera Hilmarsdóttir er gestur Ragnhildar Steinunnar í Ísþjóðinni í kvöld. Þátturinn var tekinn upp á síðasta ári þar sem Ragnhildur fór meðal annars út til Bretlands og fylgdist með Heru í tökum á sjónvarpseríunni Da Vincis Demons sem verður sýnd með vorinu í Evrópu og Bandaríkjunum.

Sýnishorn úr þáttunum verður einmitt frumsýnt í þættinum sem og stikla úr stórmyndinni Anna Karenina þar sem Hera leikur samhliða Jude Law og Keiru Knightly. Hera er búsett í Bretlandi en er stödd hér á landi þessa dagana við tökur á myndinni Vonarstræti.