Frumraunin frumsýnd

Leikverkið Karma fyrir fugla var frumsýnt í Kassa Þjóðleikhússins á föstudag. Verkið er í leikstjórn Kristínar Jóhannesdóttur og er frumraun Kristínar Eiríksdóttur og Kari Ósk Grétudóttur á sviði leikritunar. Fjöldi fólks sótti frumsýninguna og virtust gestir skemmta sér hið besta. "Þetta er ekkert þægileg sýning. Þeir sem vilja fara í leikhús til að hlæja, skemmta sér og gleyma ættu sennilega ekkert að eltast við hana. En það var engin tilviljun að allir frumsýningargestir Kassans risu á fætur við sýningarlok á föstudaginn. Það er svo magnað að fara í leikhús og finna þar eitthvað sem skiptir máli," segir í leikdómi Ardísar Þórarinsdóttur sem finna má hér á Vísi. Stefán Karlsson ljósmyndari myndaði frumsýningargesti.