100 milljón króna bíll, takk fyrir!

Tónlistarmaðurinn Will.i.am er þekktur fyrir að vera með afar dýran smekk en hann sló öll met fyrir stuttu þegar hann keypti sér sérsmíðaðan bíl fyrir níu hundruð þúsund dollara, rúmlega 116 milljónir króna.

Will fékk bifreiðina afhenta í síðustu viku og fór strax á rúntinn í Vestur-Hollywood til að sýna kaggann. Bíllinn var hannaður af West Coast Customs, þeim sömu og sýna snilli sína í sjónvarpsþáttunum Pimp My Ride.

Will er mikill bílakall og ekki er langt síðan hann eyddi sjö hundruð þúsund dollurum, rúmlega níutíu milljónum króna, í hvíta bifreið sem minnir um margt á Delorean-bílinn úr Back to the Future-myndunum.

Þú gætir unnið - vertu með okkur á Facebook.