Ég ætla ekki að slíta einhver hjónabönd

"Þetta byrjaði þegar ég tók myndir af félögunum á tjúttinu. Ég átti vefinn Geiri.net og svo bara fór ég að taka myndir af öðru fólki. Þetta spratt út frá því. Síðan varð þetta meira og meira. Vefsíðan varð frekar vinsæl árið 2001. Núlleinn punktur is fékk mig yfir því þeir vildu fá meira búst í þeirra myndasektion. Ég fór yfir til þeirra og tók myndir fyrir þátt til 2003. Ég hef ekki verið að taka myndir fyrir vefsíður eftir það," segir Ásgeir Freyr Kristinsson sem opnaði síðuna á Geiri.net á Facebook fyrr í vikunni þar sem myndir frá árinum 2001- 2003 af Íslendingum að skemmta sér eru í þúsundatali.

Hvernig hafa viðbrögðin verið á Facebook eftir að þú settir myndirnar inn? "Mjög góð. Það eru einhverjir sem vilja ekki hafa myndirnar inni. Þeir sem eru komnir í fínt djobb og með fjölskyldu og vilja ekki sýna gamla tímabilið."

" Ég sigta út myndir þar sem fólk er alveg hauslaust og lítur ekki vel út. Líka kossamyndirnar þá er ég ekki að setja þær inn. Ég ætla ekki að slíta einhver hjónabönd. Það er miklu meiri gleði en hatur gagnvart myndunum," segir Ásgeir.

Skoða Geiri.net á Facebook.