Hann má gera það sem hann vill

Mikið hefur verið slúðrað um að stjörnuparið Jada Pinkett-Smith og Will Smith séu í opnu sambandi en parið er búið að vera gift í sextán ár.

"Ég held að fólk fái þá hugmynd því við Will erum mjög afslöppuð í kringum hvort annað," segir Jada og segir þau ekki beint vera í opnu hjónabandi.

"Ég hef alltaf sagt við Will að hann gæti gert það sem hann vill svo lengi sem hann gæti horft sáttur í spegilinn. Will er sinn eiginn herra þegar öllu er á botninn hvolft. Ég er félagi hans en hann er sinn eiginn herra. Hann verður að ákveða hver hann vill vera og það er ekki í mínum verkahring. Og öfugt," segir Jada en parið á tvö börn saman, dótturina Willow, tólf ára og soninn Jaden, fjórtán ára.

Dragðu Tarotspil dagsins hér.