Meirihluti yfir hámarkshraða

Brot 29 ökumanna voru mynduð á Hallsvegi við Gufuneskirkjugarð í Reykjavík í dag. Fylgst var með ökutækjum sem var ekið Hallsveg í austurátt, við Þverveg.

Á einni klukkustund fyrir hádegi fóru 50 ökutæki þessa akstursleið og því ók meirihluti ökumanna eða 58%, of hratt eða yfir afskiptahraða. Meðalhraði hinna brotlegu var 67 km/klst en þarna er 50 km/klst hámarkshraði.

Átta óku á 70 km hraða eða meira en sá sem hraðast ók mældist á 87. Vöktun lögreglunnar á Hallsvegi er liður í umferðareftirliti hennar á höfuðborgarsvæðinu.

Lögreglan tilkynnir alla jafna á Fésbókarsíðu sinni hvar það verður við mælingar á degi hverjum.