Velja kaffi fram yfir kynlíf

Flestir vita hversu æðislegt er að byrja daginn á góðum kaffibolla. Fyrir mjög marga er ilmandi kaffið mjög mikilvægur partur af hverjum degi. Nýleg könnun leiðir í ljós að ein af hverjum tíu konum kýs rjúkandi bolla af cappuchino fram yfir sjóðheita nótt í svefnherberginu. Það er staðreynd að sumum konum finnst kaffi betra en kynlíf.

Kaffibolli í staðinn fyrir verslunarferð

Í þessari könnun kom ýmislegt fleira athyglisvert í ljós. Margar konur kjósa líka kaffibolla fram yfir skemmtilega verslunarferð með vinkonunum, fram yfir hvítvín og jafnvel fram yfir gæðastund með makanum. Það er eitt og annað sem þær eru til í að fórna til að fá sinn daglega skammt af kaffi.

Einnig kom fram að 12% þeirra karla og kvenna sem tóku þátt í könnuninni viðurkenndu að kaffi í allri sinni dýrð væri þeirra veikleiki. Þá erum við að tala um alla flóruna af kaffi.

Kaffi er oft notað til að draga á tálar

Þetta er satt. Bæði konur og karlar viðurkenna að eftir stefnumót hafa þau notað þá aðferð að bjóða viðkomandi í einn kaffibolla til að fá hann eða hana með sér heim. 5% af þeim viðurkenndu að það væri í þeim tilgangi að koma viðkomandi í rúmið. Hafðu það í huga næst þegar einhver bíður þér heim í einn saklausan kaffibolla.

- Sjá meira Siggalund.is.