Rífast yfir Scrabble

Kate Middleton og Vilhjálmur Bretaprins eru afar samrýmd en stundum slettist upp á vinskap þeirra hjóna. Jú, nefnilega þegar þau spila Scrabble.

Kate og Vilhjálmur eru bæði afar kappsöm og klára þau sjaldan einn leik af Scrabble því þeim hitnar svo í hamsi. Endar Scrabble-kvöldið yfirleitt með því að annað þeirra rýkur burt í fússi.

Þetta kemur fram í nýrri heimildarmynd, Our Queen, sem fjallar um ömmu Vilhjálms, Elísabetu drottningu.

Skötuhjúin eiga von á sínu fyrsta barni í júlí og ná alltaf að sættast eftir Scrabble-kvöld – sem betur fer!

Þú gætir unnið - vertu með okkur á Facebook.