Helköttuð amma á verðlaunapall

Lilja Ingvadóttir, 41 árs, sem er nýbökuð amma keppti í fyrsta skipti í fitnessmótinu IFBB 2013, Íslandsmót Alþjóðasambands líkamsræktarmanna, sem fram fór í Háskólabíó í vikunni og viti menn Lilja landaði 3. sætinu í aldursflokknum 35+ í fitness. Við heyrðum í stórglæsilegri ömmunni sem þakkar þjálfaranum og fjölskyldunni þennan frábæra árangur.

Geggjuð tilfinning

"Mér líður bara alveg frábærlega og geggjuð tilfinning að vera búin að ná þessu markmiði. Er eiginlega hálf meyr með þetta allt saman," svarar Lilja spurð hvernig tilfinningin er að landa þriðja sætinu og komast á verðlaunapall.

Síðustu dagarnir pínu töff

Hvað fannst þér erfiðast að takast á við fyrir keppnina? "Síðustu dagarnir voru pínu töff í matarræðinu annars gekk þetta alveg ótrúlega vel hjá mér."

Fékk sér steik eftir keppni

Hvernig fagnaðir þú sigurkvöldið eftir keppnina? "Það var farið á Grillmarkaðinn og fengið sér djúsí nautalund og rauðvín og síðast en ekki síst himneskan desert sem bráðnaði upp í manni," svarar Lilja.

Þjálfarinn keyrði hana áfram

"Árangurinn þakka ég fyrst og fremst Garðari Sigvalda þjálfara sem hefur svo sannarlega haldið mér við efnið og ekki hlustað á neitt múður, keyrt mig áfram, peppað mig upp og haft óbilandi trú á mér. Og svo auðvitað fjölskyldu minni og vinum sem hafa staðið þétt við bakið á mér í gegnum þetta allt. Án þeirra væri ég ekki í þessum sporum," segir hún spurð hverjum hún þakkar þennan frábæra árangur.

"Ég er í skýjunum og hvergi nærri hætt held ég. Þetta var svo gaman," segir Lilja.

Lilja prýddi forsíðu Lífsins - lesa má viðtalið við hana hér.