Stuðningsmenn Íslands koma víða að

Fjöldi Íslendinga verður á Maksimir-vellinum í kvöld og koma áhorfendurnir víða að. Ekki bara með flugvélum frá Íslandi.

Á meðal áhorfenda verða 23 læknanemar sem stunda nám í Debrechen í Ungverjalandi. Læknanemarnir ákváðu að hvíla sig á bókalestrinum og skella sér á leikinn.

Lagt var af stað frá Debrechen klukkan níu í morgun en ferðalagið til Zagreb tekur um sex og hálfa klukkustund.  

Hópurinn fékk miðana hjá KSÍ og ætlar að gista í nótt í Zagbreb og halda síðan aftur til Debrechen á morgun.