Líka tvær breytingar hjá Króatíu

Samkvæmt króatískum fjölmiðlum mun Niko Kovac, landsliðsþjálfari Króata, gera tvær breytingar á liði sínu fyrir leikinn mikilvæga gegn Íslandi í kvöld.

Fjölmiðlar ytra eru sammála um að þeir Ivo Ilicevic og Eduardo da Silva verði settir úr byrjunarliðinu og inn í þeirra stað komi þeir Mateo Kovacic og Ivica Olic.

Kovacic er nítján ára ungstirni sem var í sumar keyptur frá Dinamo Zagreb fyrir tvo og hálfan milljarð króna eða fimmtán milljónir evra. Hann mun spila í holunni fyrir aftan Mandzukic.

Olic kemur svo inn á hægri kantinn í stað Ilicevic sem þótti eiga slakan leik í Laugardalnum á föstudaginn. Olic, sem er 34 ára, er margreyndur sóknarmaður sem hefur lengst af spilað í Þýskalandi en hann er nú á mála hjá Wolfsburg.

Lars Lagerbäck, þjálfari Íslands, gerði einnig tvær breytingar á liði sínu fyrir leikinn í kvöld.

Leikurinn hefst klukkan 19.15 og verður í beinni textalýsingu hér á Vísi.

Lið Króatíu (4-2-3-1):

Stipe Pletikosa

Dario Srna

Vedran Corluka

Josip Simunic

Danijel Pranjic

Ivan Rakitic

Luka Modric

Ivica Olic

Mateo Kovacic

Ivan Perisic

Mario Mandzukic