Dreymir um að reykja með McCartney

Leikarann Tommy Chong, sem er best þekktur sem annar hluti gríndúettsins Cheech og Chong og síðar úr gamanþáttunum That 70s Show, dreymir um að reykja gras með Bítlinum fyrrverandi Paul McCartney.

Í viðtali við slúðurmiðilinn TMZ greindi Chong frá þessum draumi sínum, en hann hefur löngum talað fyrir neyslu kannabisefna. „Ég hef reykt með öllum Bítlunum nema Paul, sem er skrítið því hann var eiginlega eini alvöru grashausinn af þeim.

John reykti nánast aldrei því hann hafði áhyggjur af græna kortinu sínu og Ringo var oft í meðferð, en George var duglegri. Einn daginn mun þetta gerast, Paul!“ sagði Chong.