Ég hefði átt að vera í brjóstahaldara

Leikkonan Gwyenth Paltrow fer yfir tískufortíð sína í tímaritinu Goop. Hún segir stílistann Elizabeth Saltzman hafa gert kraftaverk þegar kemur að því hverju leikkonan klæðist á rauða dreglinum.

"Allt sem ég hef klæðst á rauða dreglinum síðan ég byrjaði að vinna með stílistanum Elizabeth Saltzman hefur verið stórfenglegt. Ég get sagt þetta því ég hef ekki komið nálægt því að velja þessi föt. Þeir kjólar sem eru í uppáhaldi hjá mér eru bleiki Prada-kjóllinn sem ég klæddist á kvikmyndahátíðinni í Feneyjum árið 2011 og hvíti Tom Ford-kjóllinn sem ég var í á Óskarnum í fyrra," segir Gwyneth.

Þá víkur sögunni að umdeildum kjól frá Alexander McQueen sem hún var í á Óskarsverðlaunahátíðinni árið 2002.

"Ég elska kjólinn enn þá en ég hefði átt að vera í brjóstahaldara og ég hefði átt að hafa hágreiðsluna einfaldari og meiköppið minna. Þá hefði þetta virkað eins og ég vildi – smá pönk á Óskarnum."

Þú gætir unnið - vertu með okkur á Facebook.