Brjálaðist rétt fyrir Óskarinn

Leikkonan Anne Hathaway ku hafa gjörsamlega brjálast þegar hún sá mynd af kjólnum sem leikkonan Amanda Seyfried ætlaði að klæðast á Óskarsverðlaunahátíðinni.

Anne var búin að ákveða að vera í kjól úr smiðju Valentino en skipti um skoðun þegar hún sá mynd af Alexander McQueen-kjólnum hennar Amöndu á æfingu fyrir Óskarinn. Ástæðan? Jú, þeir voru alltof líkir.

"Anne skildi ekkert í þessu. Hún fékk æðiskast!" segir ónefndur vinur leikkonunnar. Amanda nennti ekki að taka þátt í því og yfirgaf æfinguna.

Anne reyndi þó ekki að sannfæra Amöndu um að skipta um kjól heldur valdi nýjan kjól frá Prada í samráði við stjörnustílistann Rachel Zoe á síðustu stundu. Þetta vakti mikla reiði hjá tískurisanum Valentino og þurfti Anne að senda frá sér yfirlýsingu í kjölfarið þar sem hún harmaði þetta mjög.

Þú gætir unnið - vertu með okkur á Facebook.