Saga Sig myndar fyrir Nasty Gal

Íslenski ljósmyndarinn Saga Sigurðardóttir tók nýlega myndaþátt fyrir bandarísku netverslunina Nasty Gal. Um er að ræða myndir sem birtust í tískutímaritinu Super Nasty sem vefsíðan gefur út á stafrænu formi.

Nasty Gal er ein vinsælasta tískunetverslun heims og hefur getið sér gott orð fyrir að vera með puttann á púlsinum hvað varðar tísku fyrir ungar konur. Stofnandi verslunarinnar, Sophia Amoruso, hóf svo að gefa út tímaritið Super Nasty í fyrra, en tölublaðið þar sem myndir Sögu prýða síðurnar er númer tvö í röðinni.

Saga hefur átt mikilli velgengni að fagna í tískuljósmyndaheiminum síðustu ár, en hún stundaði nám í London Collage of Fashion og útskrifaðist árið 2011. Síðan þá hefur hún meðal annars tekið myndir fyrir Topshop og tískutímarit á borð við Dazed and Confused og Nylon.

Hægt að skoða tímaritið og sjá myndirnar í heild sinni hér.