Scolari: Brasilía verður heimsmeistari

Luiz Felipe Scolari þjálfari Brasilíu er viss um að Brasilía hampi heimsmeistaratitlinum í sjötta sinn á heimavelli næsta sumar. Hann hefur engar áhyggjur af því að álagið af því að leika á heimavelli taki sinn toll af liðinu.

Brasilía vann Hondúras 5-0 í gær og vann þar sinn ellefta sigur í tólf leikjum. Scolari var fámáll á blaðamannafundi eftir leikinn en kom sér beint að efninu.

„Það er engin pressa á Brasilíu að verða heimsmeistari. Brasilía verður heimsmeistari,“ sagði Scolari áður en hann yfirgaf svæðið.

Þetta var annað skiptið sem hann varð spurður hvort hann teldi að Brasilía gæti unnið keppnina. „Ef ég tryði því ekki myndi ég halda mig heima í sófanum,“ svaraði Scolari fyrst.

Brasilía hefur skorað 18 mörk í fimm síðustu leikjum sínum og leikið mjög vel.