Simunic: Olic skýtur okkur til Brasilíu

Varnarmaðurinn sterki Josip Simunic er bjartsýnn á að Króatía hafi lært nóg af leiknum á Íslandi í umspilinu um laust sæti á heimsmeistaramótinu í Króatíu til að tryggja sér sigur í seinni leiknum í Króatíu á þriðjudagskvöld.

„Ég er viss um að Ivica Olic muni skjóta okkur til Brasilíu,“ sagði Simunic í viðtali við fjölmiðla í Króatíu.

Simunic sagði Króata hafa skoðað upptöku af leiknum á Íslandi og liðið viti hvað það þurfi að gera til að tryggja sér farseðilinn til Brasilíu.

„Við sáum hvað var gott og hvað við þurfum að bæta. Það var margt gott í Reykjavík og við förum heim fullir sjálfstrausts.

„Við þurfum að vera klókari í okkar leik en á Íslandi,“ sagði Simunic sem á von á góðri stemningu í Zagreb á þriðjudagskvöld.

„Ég vona að stemningin verði frábær, þetta er leikurinn sem tryggir okkur farseðilinn til Brasilíu. Eftir þennan leik horfa allir jákvæðar til fótboltans.

„Það getur allt gerst í fótbolta og við þurfum að vera við öllu búnir. Við erum betri á öllum vígstöðum en Ísland en við þurfum að sýna það á vellinum og við munum gera það,“ sagði Simunic.