Myndu vilja Sannar gjafir í fermingargjöf

Fermingartímabilið er nú hafið og unglingar í óða önn að setja saman óskalistana sína. Á undanförnum árum hefur það færst í aukana að þar sé að finna sannar gjafir UNICEF, Barnahjálpar Sameinuðu þjóðanna, sem stuðla að betra lífi fyrir börn sem minna mega sín.

Þeim Þorsteini Guðmundssyni, Halldóru Geirharðs, Gunna Hannssyni og Lóu Hlín þykir miður að ekki hafi verið hægt að kaupa sannar gjafir þegar þau fermdust, því þau hefðu klárlega valið sér nokkrar á sinn óskalista.

Skoðun hinna fjögurra fræknu á fermingargjöfum má sjá með myndunum hér að ofan. Umfjöllunina í Fréttablaðinu má sjá hér.