Ronaldo yfir 400 marka múrinn á atvinnumannaferlinum

Cristiano Ronaldo skoraði fjögur mörk í tveimur umspilsleikjum Portúgals á móti Svíþjóð, vann "Stjörnustríðið" á móti Zlatan Ibrahomovic og tryggði þjóð sinn öðrum fremur sæti á HM í Brasilíu næsta sumar.

Ronaldo gerði gott betur því með þessum þremur mörkum komst hann yfir 400 marka múrinn á atvinnumannaferlinum en þessi frábæri fótboltamaður hefur nú skorað 400 mörk í 648 leikjum.

Cristiano Ronaldo hefur skorað 47 mörk í 109 landsleikjum með Portúgal, hann hefur skorað 225 mörk í 216 leikjum með Real Madrid, 118 mörk í 292 leikjum með Manchester United og 5 mörk í 31 leikjum með Sporting CP.

Cristiano Ronaldo er þegar kominn með 24 mörk í 17 leikjum með Real Madrid á þessu tímabili þar af 8 mörk í 4 leikjum í Meistaradeildinni og 16 mörk í 13 leikjum í spænsku deildinni.

Cristiano Ronaldo er enn "bara" 28 ára gamall og því líklegur til að bæta miklu fleiri mörkum við. Hann hefur skorað yfir 50 mörk á síðustu þremur tímabilum sínum með Real Madrid og það ætti því að vera innan við tvö ár í 500. markið sem sama áframhaldi.