Djörf og kynþokkafull

Söngkonan Beyonce geislaði í orðsins fyllstu merkingu á frumsýningu myndar sinnar Life Is But A Dream í Ziegfeld Theater í New York á þriðjudagskvöldið.

Þessi glæsilegi kvenmaður klæddist kjól úr smiðju Elie Saab Couture sem var djarfur, kynþokkafullur og einstaklega smekklegur. Hún stígur varla feilspor þessi kona.

Beyonce deildi rauða dreglinum með spjallþáttadrottningunni Opruh Winfrey en Oprah mun taka viðtal við söngkonuna í þættinum Oprah's Next Chapter innan tíðar.

Í Life Is But A Dream fjallar Beyonce um feril sinn í sviðsljósinu sem og einkalífið en hún eignaðist dótturina Blue Ivy með sínum heittelskaða, Jay-Z á síðasta ári.

Þú gætir unnið - vertu með okkur á Facebook.