Aftur komin með brjóstakrabbamein

Söngkonan Anastacia er aftur komin með brjóstakrabbamein. Hún vann bug á sjúkdómnum árið 2003 en hefur nú þurft að aflýsa tónleikaferðalagi sínu um Evrópu í skugga þessara hrikalegu frétta.

Þessi 44ra ára söngkona sendi frá sér yfirlýsingu um málið þar sem hún harmar þetta mjög.

"Mér líður hræðilega yfir því að bregðast frábæru aðdáendum mínum sem hlökkuðu til tónleikaferðalagsins It's A Man's World. Hjarta mitt brestur."

Tónleikaferðalagið átti að hefjast í London þann 6. apríl næstkomandi en læknar hafa ráðlagt henni að aflýsa öllum tónleikum og ferðast ekki á næstunni. Anastacia er baráttujaxl og ætlar ekki að lúta í lægra haldið fyrir meininu heldur halda áfram að berjast segir enn fremur í yfirlýsingunni.

Þú gætir unnið - vertu með okkur á Facebook.