Körfuboltagoðsögn kaupir enn eitt húsið

Körfuboltakóngurinn Michael Jordan er búinn að bæta enn einu húsinu í safnið. Nýjasta eignin er á heimaslóðum hans í Norður-Karólínu en hann heillaði körfuboltaaðdáendur fyrst með háskólaliðinu í fylkinu.

Jordan, sem varð fimmtugur fyrr í mánuðinum, borgaði 2,8 milljónir dollara, rúmlega 350 milljónir króna, fyrir húsið. Það var byggt árið 1993 og er búið sex svefnherbergjum og átta baðherbergjum. Því fylgir einnig gríðarstór verönd þar sem er sundlaug og spa. Í kjallaranum er síðan líkamsræktarherbergi og bíósalur.

Jordan á fyrir hús á Flórída, í Salt Lake City og Charlotte. Hús hans í Chicago er á markaðinum núna og eru 29 milljónir dollara settar á það, rúmur þrír og hálfur milljarður króna.

Þú gætir unnið - vertu með okkur á Facebook.