Stjörnubarn á hraðskreiðum bíl

Stórleikarinn Tom Cruise hefur alltaf verið hrifinn af hraðskreiðum bílum og svo virðist sem hann hafi smitað son sinn Connor af bílabakteríunni.

Connor mætti í partí í Los Angeles fyrir stuttu á gulri Lamborghini-bifreið sem hefur eflaust kostað skildinginn.

Partíið var til að kynna nýja línu af úrum frá Karl Lagerfeld og þó þetta átján ára stjörnubarn hafi mætt á staðinn með stæl var hann frekar afslappaður í klæðaburði. Hann klæddist gallabuxum, stuttermabol, leðurjakka og strigaskóm og skemmti sér konunglega með vini sínum.

Þú gætir unnið - vertu með okkur á Facebook.