Grikkir, Úkraínumenn og Portúgalar með heimsigur í farteskinu

Úkraína, Grikkland og Portúgal unnu öll í kvöld sína leiki í umspili um laus sæti á  Hm í Brasilíu næsta sumar og taka Grikkir og Úkraínumenn með sér tveggja marka forskot í seinni leikinn sem fer fram á þriðjudagskvöldið eins og í umspilinu hjá íslenska landsliðinu.

Cristiano Ronaldo var hetja Portúgala þegar hann skoraði eina markið í 1-0 sigri á Svíum. Ronaldo var hársbreidd frá því að bæta við marki skömmu eftir sigurmarkið.

Úkraínumenn eru í fínum málum eftir 2-0 sigur á Frakklandi í kvöld í fyrri umspilsleik þjóðanna um laust sæti á HM í Brasilíu. Frakkar eiga því á brattann að sækja í seinni leiknum.

Grikkland vann 3-1 sigur á Rúmeníu. Grikkir komust í 1-0 strax á 14. mínútu leiksins en Rúmenar skoruðu mikilvægt útivallarmark og jöfnuðu metin aðeins fimm mínútum síðar. Grikkir tryggðu sér sigur með tveimur mörkum. Konstantinos Mitroglou skoraði tvö mörk fyrir Grikki.