Króatar fá 80 milljónir á mann fyrir að komast á HM

Leikmenn króatíska landsliðsins fá veglegan bónus takist liðinu að tryggja sér sæti á HM í Brasilíu á næsta ári en hver leikmaður fær í sinn hlut um 80 milljónir íslenskra króna.

Hver leikmaður fær hálfa milljón evra á mann fyrir það eitt að leggja íslenska liðið af velli í umspilinu um sæti á HM.

Tomislav Pacak, talsmaður króatíska sambandsins, tilkynnir þetta í fjölmiðlum ytra.

KSÍ hefur ekki gefið upp hvort íslensku leikmennirnir fái ákveðna bónusgreiðslu ef liðið kemst á heimsmeistaramótið.

Ísland mætir Króatíu í fyrri leik liðanna í umspilinu um sæti á HM á Laugardalsvelli í kvöld og hefst leikurinn klukkan 19:00.

Guðmundur Benediktsson mun lýsa leiknum beint á Bylgjunni.