Ég elska þig, Anne

Helstu tíðindi nýafstaðinnar Óskarsverðlaunahátíðar voru að Anne Hathaway móðgaði tískurisann Valentino með því að klæðast Prada-kjól á viðburðinum þar sem hún hrifsaði til sín eitt stykki Óskarsstyttu.

Anne ákvað að skipta um kjól á síðustu stundu því hún sá mynd af Alexander McQueen-kjól sem meðleikkona hennar í Vesalingunum, Amanda Seyfried, ætlaði að klæðast á Óskarnum. Anne þótti kjóllinn ansi líkur sínum frá Valentino og skipti því yfir í Prada.

Málið hefur vakið talsverða athygli því bossarnir hjá Valentino voru ekki par sáttir við þetta uppátæki leikkonunnar.

Amanda tekur lífinu létt, tekur þetta ekki nærri sér og skrifaði á Twitter-síðu sína um helgina: "Staðreynd: Ég elska þig, Anne!"

Þú gætir unnið - vertu með okkur á Facebook.