Brúðkaup Le-Bron ákveðið

Körfuboltastjarnan LeBron James, leikmaður Miami Heat í NBA-deildinni, og unnusta hans, Savannah Brinson, hafa ákveðið stað og stund fyrir brúðkaupið sitt og sent út boðskort þar að lútandi.

Það gæti komið gyðingum í vinahópi parsins óþægilega á óvart að brúðkaupið fer fram helgina 13. til 15. september í borginni San Diego í Kaliforníuríki, en 13. september er einmitt upphafsdagur Yom Kippur, helgustu hátíðar gyðinga. Meðan Yom Kippur stendur yfir fasta gyðingar í stað þess að raða í sig brúðkaupskræsingum.