Þvengmjó módel vart komin af barnsaldri - hvað er það?

Okkur barst bréf frá 49 ára konu sem birtist hér í heild sinni með hennar leyfi.

Góðan daginn. Fylgist með ykkur svona frá útlandinu og haft gaman af. Þó ég sé að nálgast 50 þá hef ég lítið gert af því að farða mig sérstaklega. Maskari, sólarpúður og ég er glæsileg. En nú færist aldurinn yfir og unglegt útlit kannski að nálgast réttan aldur, með yndislegum hrukkum og öðrum ekki eins yndislegum aldurs mörkum. Sem dæmi um það er slappleiki á augnalokum, þau eru ekki eins strekt og smooth eins og áður.

Undartekningarlaust eru módelin vart komin af barnsaldri

Þannig að þegar að ég ætla að gera eitthvað ekstra og nota augnskugga til dæmis þegar farið er út á lífið, þá kemur babb í bátinn. Augnskugginn einhvern veginn safnast fyrir í fíngerðum fellingum, ekki fallegt. Þannig að ég hef farið í smá rannsóknarleiðangur og skoðað myndbönd sem gefa góð tips um hina og þessa förðun. En nánast undartekningarlaust eru módelin vart komin af barnsaldri, með fullkomna húð og ótrúlega fallegar það er að segja áður en farðinn er settur á. Og það eru sett hin og þessi törfameðul sem eiga að gera hitt og þetta en maður sér engan mun.

Þvengmjó módel - hvað er það?

Alveg eins og að þegar verið er að auglýsa aðhaldsbuxur eða nærföt eru notuð þvengmjóa módel. Hvað er það? Þess vegna er ég ekki ginkeypt fyrir slíkum meðulum, þó að ég væri kannski fullkomið módel í slíkar myndatökur. En aftur að því sem ég ætlaði mér að tala um og það er förðunar tips fyrir okkur sem eru ekki með lýtalausa húð, og okkur sem eru orðnar aðeins eldri og viljum líta vel út. Ég sé oft konur sem eru stórglæsilegar - hvað er það sem þær gera?

Vill fleiri förðunarráð

Og aðrar sem hafa notað allt í förðunarskápnum en ekki haft erindi sem erfiði. Væri gaman að sjá förðunarmyndband af konu, komna yfir fertugt, með ýmis vandmál og hvernig er hægt að leysa þau á faglegan hátt.

Hamingjan fæst ekki í kremum

Haldið áfram þessum pistlum ykkar. Finnst til dæmis frábært þessi innslög frá hinum og þessum um hvað þær nota. Vissi bara ekki að konur notuðu svona markvist mikið af öllum þessum vörum og mikið af því. Finnst það kannski stundum um of. Jaðar við...ja segi ekki meir. Passið ykkur að hlutirnir verði ekki þannig að hamingjan fáist í kremum og kapphlaupinu um fullkomið útlit. Bara að hafa að leiðarljósi, að það er hin innri fegurð sem kallar fram þá ytri.

Njótið dagsins!

Við verðum hér við ósk bréfritarans á sama tíma og við þökkum kærlega fyrir frábæran pistil. Hér má sjá kennslumyndband þar sem sýnd eru einföld förðunarráð sem koma sér vel fyrir konur á öllum aldri.