"Hann verður áfram - það er ekkert annað á dagskrá“

Lars Lagerbäck og Heimir Hallgrímsson munu að öllum líkindum halda áfram með íslenska landsliðið knattspyrnu, að minnsta kosti fram yfir næsta stórmót.

Þetta sagði Geir Þorsteinsson, formaður KSÍ, í samtali við Valtý Björn Valtýsson íþróttafréttamann í kvöldfréttum Stöðvar 2 í kvöld.

Geir segir að það sé mikill skilningur á milli KSÍ og Lars að sá síðarnefndi haldi áfram með liðið.

„Ég hef gengið að því sem gefnu að okkar samstarf muni halda áfram og það er töluvert síðan að það var,“ segir hann.

Hann segir að ekki hafi staðið til að klára samningamálin við Lars fyrr en eftir undankeppnina fyrir heimsmeistaramótið.

„Við ákváðum að hafa þetta lag á þessu, og munum núna setjast niður og klára þetta með formlegum hætti."

Það eru sem sagt yfirgnæfandi líkur á því að hann verði áfram?

„Já, það eru allar líkur á því.“

Verður Heimir Hallgrímsson áfram með honum?

„Já, það er markmiðið.“

Þannig að hann verður áfram?

„Jájá hann verður áfram, það er ekkert annað á dagskrá.“

Samningurinn við Lars og Heimir verði fram yfir evrópumótið í knattspyrnu sem fer fram í Frakklandi árið 2016.