Tólfan stillir saman strengina í kvöld

Stuðningsmannasveit íslenska landsliðsins, Tólfan, ætlar að hefja gleðina fyrir Króatíuleikinn í kvöld með skemmtun á Ölveri.

Takmarkið er að skemmta sér saman og syngja. Hreimur Örn Heimisson mætir með gítarinn og töframaðurinn Einar Mikael mun sýna listir sínar.

Svo verður einnig happdrætti í gangi og eru vinningar frá fjölda fyrirtækja.

Svo er aldrei að vita nema aðstoðarlandsliðsþjálfarinn, Heimir Hallgrímsson, láti svo sjá sig.

Stemningin hefst klukkan 20.00 og er 20 ára aldurstakmark.