"Höfum verið að vinna í aðstæðum sem enginn annar þekkir“

„Aðstæður hér eru nokkurn veginn eins og að við séum að vinna á gamaldags ritvél á meðan aðrir fá að nota nýjar PC eða MAC tölvu,“ sagði Kristinn Jóhannsson, vallarstarfsmaður Laugardalsvallarins, í samtali við ESPN.

Fáir leikir hafa farið fram í nóvembermánuði á Íslandi og því aðstæður fyrir umspilsleiknum gegn Króötum í kvöld heldur erfiðar sökum veðurfars.

„Undanfarnar vikur hafa verið okkur erfiðar og hafa starfsmenn vallarins unnið hér nánast allan sólahringinn.“

„Það var strax ljóst að þegar Ísland komst í umspilið að erfitt yrði fyrir okkar að halda vellinum í góðu standi fyrir leikinn. Þetta er samt bara spennandi fyrir okkur hér á vellinum og gaman að koma að þessu. Við höfum verið að takast á við vandamál hér sem ég efast um að aðrar þjóðir hafa þurft að ganga í gegnum. Grasið á Laugardalsvellinum er mjög gamalt og var það raun lagt árið 1976, því hefur ekki verið komið upp hitalögnum undir grasið.“

„Það er bara ekki hægt að flýja veðrið hér á Ísland, sérstaklega á þessum árstíma. Fjölmiðlamenn hér á Íslandi hafa í raun meira fjallað um veðrið í aðdraganda leiksins en um leikinn sjálfan. Tímabilinu lauk í september hér á Íslandi og þetta er því mjög svo óvanaleg aðstaða sem við erum í þessa dagana.“

„Völlurinn er í ágætis standi í augnablikinu en við hreinlega urðum að leigja sérbúinn dúk til að leggja yfir völlinn og verður hann yfir vellinum fram að leik.“

„Uppselt hefur verið á síðust þrjá heimaleiki Íslands sem er í raun magnað og ekki gerst í mörg ár. Það hefði aldrei orðið uppselt á leik Íslands og Kýpur fyrir einhverjum árum en við sáum það gerast í síðasta mánuði. Það breyttist allt þegar Lars Lagarback tók við íslenska liðinu og allt orðið mun faglegra í kringum liðið".

Kristinn fékk mikilvæga reynslu árið 2006 þegar hann dvaldi í London og starfaði töluvert við að undirbúa Emirates-völlinn sem er í dag heimavöllur Arsenal.

„Ég eignaðist marga vini á tíma mínum í England en Paul Ashcroft, yfirvallarstjóri hjá Arsenal, er einni þeirra og Paul Burgess, sem í dag starfar hjá Real Madrid kenndu mér báðir mikið. Ég get alltaf hringt í þá til að fá ráðleggingar og það hef ég gert reglulega í aðdraganda leiksins gegn Króötum.“