Króatarnir fóru undir dúkinn | Myndir

Leikmenn króatíska landsliðsins fengu ekki að æfa á Laugardalsvelli í gær. Þeir voru aftur mættir á völlinn rétt fyrir hádegi til þess að kíkja á völlinn.

Það þurfti að fresta því að taka hitadúkinn af vellinum í smá tíma þar sem Króatarnir þurftu að komast á grasið. Það var líka eðlilega stemning í því fyrir leikmennina að komast undir dúkinn fræga.

Þegar Króatarnir voru farnir var loksins hægt að fjarlægja dúkinn. Við blasti iðagrænn og fallegur Laugardalsvöllur.

Daníel Rúnarsson, ljósmyndari Fréttablaðsins og Vísis, var venju samkvæmt í Laugardalnum og tók myndir af Króötunum undir dúknum. Daníel tók einnig myndir af því er dúkurinn var tekinn af og þegar forsvarsmenn Tólfunnar settu upp nýjan borða á stúkuna.

Myndirnar má sjá hér að ofan.