Pabbi Arons Einars spáir leiknum 2-1

Faðir Arons Einars landsliðsfyrirliða spáir leiknum 2-1.

Þetta kemur fram viðtali Vikudags við Gunnar M. Gunnarsson, faðir Arons sem lagði af stað frá Akureyri í morgun til að fylgjast með stráknum sínum í kvöld.

„Ég er ósköp rólegur og þokkalega bjartsýnn fyrir leikinn,“ segir Gunnar við Vikudag.

Í kvöld fer fram stærsti leiku landsliðsins frá upphafi þegar liðið tekur á móti Króatíu í fyrri leik umspils um sæti á HM í Brasilíu næsta sumar.

„Ég er yfirleitt rólegur fyrir leiki en verri þegar ég er kominn á staðinn. Ég tel okkur eiga góða möguleika og spái leiknum 2-1. Það væri gaman að sjá Aron skora," segir Gunnar sem segist ekki vera farinn að velta fyrir sér þeim mögulega að fara til Brasilíu næsta sumar.

Hann segir ansi dýrt að ferðast þangað en eflaust myndi hann íhuga það.

„En fyrst verðum við að leggja Króatana að velli og ég er fullur bjartsýni. Þetta er hörkulið sem við eigum,“ segir hinn stolti faðir.