Del Bosque: Miðbaugs-Gínea gerði þetta vandræðalegt fyrir Spán

Vicente del Bosque hinn 62 ára gamli þjálfari Spánar sagði líflega nálgun Miðbaugs-Gíneu í æfingaleik þjóðanna í gær sem Spánn vann 2-1 hafa gert heimsmeisturunum erfitt fyrir.

Santi Cazorla og Juanfran skoruðu mörk Spánar en Miðbaugs-Gínea lét vel fyrir sér finna í leiknum og lék af mikilli hörku. Xabi Alonso þurfti að yfirgefa leikvöllinn eftir kraftmikla tæklingu en Del Bosque sagði heimamenn þó ekki hafa verið grófa í leik sínum.

„Þetta var vandræðalegt. Þeir eru líkamlega sterkir og leyfðu okkur ekki að leika okkar leik,“ sagði Del Bosque eftir leikinn.

„Við vildum leika óhindrað en gátum það ekki. Gínea lék ákveðið og við lentum á afturlöppunum. Nálgun þeirra en ekki ofbeldi kom í veg fyrir að við gætum leikið okkar leik.“

Heimsmeistararnir mæta Suður-Afríku í næsta leik sínum í undirbúningi sínum fyrir heimsmeistaramótið í Brasilíu næsta sumar.