Arnar: Erlend félög taka eftir þessum árangri

Arnar Grétarsson, yfirmaður knattspyrnumála hjá Club Brugge, segir að evrópsk félög fylgist vel með uppgangi íslenskrar knattpsyrnu.

Arnar var í viðtali í kvöldfréttum Stöðvar 2 og sagði að árangur íslensku landsliðanna í knattspyrnu hefðu vakið mikið umtal.

„Það er ekkert smá umtal sem landið okkar er að fá með því að komast í þennan leik,“ sagði Arnar sem var gestur á viðureign Íslands og Króatíu á föstudagskvöldið. Liðin mætast ytra á þriðjudaginn þar sem sæti á HM í Brasilíu er í húfi.

„Og öll yngri landsliðin okkar eru líka að gera frábæra hluti og eftir því er tekið.“

Alla fréttina má sjá í spilaranum hér fyrir ofan.