Enska landsliðið ætlar að sanna sig gegn Þýskalandi

Það fer fram áhugaverður vináttulandsleikur á Wembley annað kvöld er Englendingar taka á móti Þjóðverjum. Enska liðið hefur mikið að sanna í leiknum eftir neyðarlegt 2-0 tap gegn Síle á föstudag.

"Mínir menn munu mæta grimmir til leiks og sýna og sanna að þeir eru ekkert lakari en leikmenn þýska liðsins," sagði Roy Hodgson, landsliðsþjálfari Englands.

Þjóðverjar verða án lykilmanna eins og Mesut Özil, Philipp Lahm og markvarðarins Manuel Neuer.

"Það mun reyna virkilega mikið á okkur í þessum leik og eflaust verður einhverjum spurningum svarað."