Hana vantar lærimeistara

Leikarinn og ærslabelgurinn Charlie Sheen hefur áhyggjur af leik- og söngkonunni Lindsay Lohan og vill endilega hjálpa henni að snúa við blaðinu.

Lindsay er aðeins 26 ára en hefur stigið ansi mörg feilspor á lífsleiðinni. Charlie telur að hann geti breytt því.

"Ég þekki Lindsay, hún þarf á lærimeistara að halda hvort sem hún vill hann eða ekki. Hún getur haldið áfram að hanga með klúbbvinum sínum sem klippa í sundur kjóla eða snúið sér til mín og fengið góð ráð. Góð ráð frá manni sem hefur farið niður þennan veg," segir Charlie og vísar í það þegar Lindsay skilaði Theia-síðkjól í henglum á dögunum.

"Ef hún hlustar mun hún vinna. Ef ekki þá er það hennar mál," bætir Charlie við.

Þú gætir unnið - vertu með okkur á Facebook.