Andlegur leiðtogi Bræðralagsins handtekinn í Kaíró

Andlegur leiðtogi Múslímska Bræðralagsins í Egyptalandi var handtekinn í nótt. Leiðtoginn, Mohammed Badie var tekinn höndum í íbúð í höfuðborginni Kaíró en fleiri hundruð meðlimir í bræðralaginu hafa verið handteknir síðustu daga.

Neyðarlög er enn í gildi í landinu en síðustu daga hafa tæplega þúsund manns fallið í átökum öryggissveita herforingjastjórarinnar og stuðningsmanna Bræðralagsins. Í gær voru 25 egypskir hermenn myrtir í umsátri á Sínæ skaganum og á Sunnudag létust 36 mótmælendur þegar þeir köfnuðu inni í fangaflutningabíl í Kaíró.