"Njósnir NSA ganga lengra en STASI"

Njósnir breskra- og bandarískra stjórnvalda voru til umræðu á Alþingi í dag. Birgitta Jónsdóttir var málshefjandi á sérstakri umræðu um eftirlit bandarískra stjórnvalda með íslenskum borgurum.

„Í okkar nútímasamfélagi þykir það sjálfsagt mál að stundaðar séu víðtækar njósnir á almennum borgurum og fulltruum þjóðarinnar," segir Birgitta.

Birgitta líkir njósnum NSA við eftirlit STASI í Austur-Þýskalandi á sínum tíma en telur þær þó víðtækari. „Ólíkt STASI sem á sínum tíma var víðtækasta eftirlitskerfi sem framfylgt hefur verið í raunheimum þar sem njósnað var um alla borgara Austur-Þýskalands þá ganga njosnir NSA enn lengra, enda hafa þeirra njósnir á almenningi engin landamæri og ná yfir alla sem nota stafræna miðla á einn eða annan máta."

Birgitta beindi síðan máli sínu að Hönnu Birnu Kristjánsdóttur, innanríkisráðherra: „Í því ljósi langar mig að spyrja hæstvirtan innanríkisráðherra hver hennar afstaða sé gagnvart þeim möguleika að um íslenska borgara hafi verið njósnað. Hefur ráðherran sent bandarískum og breskum yfirvöldum fyrirspurn um hvort fylgst hefur verið með íslendingum á sama hátt og fylgst hefur verið með öðrum borgurum í Evrópu?"

Hanna Birna Kristjánsdóttir, innanríkisráðherra, tók þá til máls en hún sagði ekkert staðfest í þessum efnum. „Undanfarið hafa ýmsir hér heima og erlendis fjallað um upplýsingar frá hinum bandaríska Edward SNowden sem benda til þess að bandarískar og breskar öryggisstofananir hafi fylgst með og vistað upplýsingar um stofnanir og einstaklinga um allan heim umfram það sem geti talist eðilegar ráðstafanir um varnir gegn hryðjuverkum," segir Hanna Birna.

Hún svaraði síðan spurningu Birgittu. „Hvað varðar spurningar málshefjenda þá er rétt að það komi fram að að sjálfsögðu fylgjast í slensk stjórnvö,ld með þessari umræðu og munu gera svo áfram. Það eru íslenskir hagsmunir að netnotendur geti treysti því að meginreglur íslenskra laga um frelsi, mannréttindi og psersónuvernd sé fylgt og verði til rökstuddur grunur um að svo sé ekki verður að sjálfsöðu leitað skýringa á því."