Gillz býður heilli fatabúð á Spot í kvöld

„Það er búið að vera ótrúlega gaman að fylgjast með stelpunum í Júník og hvað þeim hefur tekist að gera þessa búð vinsæla á stuttum tíma. Ég vil gefa gestum mínum tækifæri að hitta þessar sterku og sjálfstæðu konur og hef því ákveðið að bjóða þeim öllum á Stuðlagaballið á Spot í kvöld," segir Egill Einarsson eða Gillz sem heldur ball í kvöld þegar við spyrjum hann út í undirbúninginn.

Gillz hrifinn af fumkvöðlum

„Sara Lind eigandi Júník er flott kona og ótrúlega dugleg, glæsilegt role model fyrir konur í atvinnurekstri. Núna er mikið rætt að ungar stúlkur hafi veika sjálfsmynd. Það hlýtur að vera valdeflandi fyrir þær að hitta frumkvöðul eins og Söru Lind. Júník stúlkurnar eru aðdáunarverðar konur sem eiga pottþétt skilið stórt knús fyrir framlag sitt til samfélagsins. Það er því ekkert nema heiður að fá Söru Lind og Júník stúlkurnar á Stuðlagaballið," segir Egill.

Viðburðurinn á Facebook