"Og svo þegar ég kem úr vélinni í London er ég algjörlega óþekkt"

Leikkonan Ísgerður Elfa Gunnarsdóttir er í viðtali á vefsíðu Guardian. Þar er rætt við hana og þrjá aðra Lundúnabúa sem eiga það sameiginlegt að vera þekktir í löndum utan Bretlands en ekki innan þess. Ísgerður kallar sig Izzy Gunnars og segir í viðtalinu að það sé öðruvísi að vera frægur á Íslandi en í Bretlandi.

"Það er mjög skrítin upplifun að ganga í gegnum flugvöll og sjá myndir af þér á forsíðum slúðurblaða með fyrirsögninni Farin til London. Og svo, þegar ég kem úr vélinni í London, er ég algjörlega óþekkt."

Ísgerður lék í fyrstu kvikmyndinni í Bretlandi síðastliðið haust en hún segir í viðtalinu að hún viti ekkert hvenær myndin kemur út.