Neyddur til að vera í nærbuxum

Leikarinn Jon Hamm er hrifinn af því að vera ekki í nærbuxum og hefur sloppið við nærfötin þegar hann er að leika í Emmy-verðlaunaseríunni Mad Men. Nú verður hins vegar breyting á.

Hann er nú við tökur á sjöttu seríunni og var vinsamlegast beðinn um að vera í nærbuxum.

"Þessi sería gerist um árið 1960 þegar buxur voru mjög þröngar. Líkamsburðir Jons taka svo mikla athygli að hann var vinsamlegast beðinn um að vera í nærbuxum," segir ónefndur aðili sem vinnur við gerð þáttanna.

Getnaðarlimur Jons hefur vakið mikla athygli í þáttunum og þurfti að minnka hann með hjálp tölvutækninnar fyrir markaðsefni fyrstu tveggja seríanna því myndirnar þóttu ekki við hæfi.

Þú gætir unnið - vertu með okkur á Facebook.