Beyoncé er andlit H&M

Ofurstjarnan Beyoncé Knowles er nýtt andlit verslunarkeðjurisans H&M. Orðrómar sem hafa verið uppi samstarfið síðustu mánuði fengust staðfestir þegar verslunarkeðjan birti fyrstu myndina úr auglýsingaherferðinni fyrr í dag. Myndirnar voru teknar á Bahama-eyjum af ljósmyndarateyminu Inez van Lamsweerde og Vinoodh Matadinand. Þar sést söngkonan spóka sig um á strönd í hvítri skyrtu og köflóttum stuttbuxum.

Donald Schneider, listrænn stjórnandi H&M er mjög ánægður með samstarfið „Það var bara magnað að horfa á hana sitja fyrir, hún virtist hafa lítið fyrir því að láta elegansinn og kvenleikann sem hún er þekkt fyrir sinn skína í gegn á myndunum. Sá eiginleiki gerir hana að fyrirmynd fyrir allar konur."

Línan verður fáanleg í verslunum H&M um heim allan í maí.