Alveg sama um framhjáhaldið

Konur um heim allan hafa undrað sig á því að skíðakonan Lindsey Vonn vilji vera með golfaranum Tiger Woods en þau staðfestu ástarsamband sitt í vikunni.

Tiger skildi við eiginkonu sína Elin Nordegren árið 2010 eftir að upp komst að hann hefði haldið framhjá henni með fjölmörgum konum. Lindsey lætur það ekki stoppa sig í að stofna til ástarsambands með Tiger.

"Tiger gerir Lindsey hamingjusama. Henni er sama hvað öðrum finnst. Hún treystir innsæi sínu. Henni líður vel í sambandinu," segir vinur Lindsey.

Eftir að upp komst um framhjáhaldið fór Tiger í 45 daga meðferð við kynlífsfíkn.

"Þau hafa talað um það oftar en einu sinni. Hann hefur útskýrt sína hlið á málinu og játað það sem hann gerði rangt. Hann hefur verið hreinskilinn við hana," bætir vinurinn við.

Þú gætir unnið - vertu með okkur á Facebook.