Páskagleði í Listasafni Reykjavíkur

Tónleikar undir yfirskriftinni Páskagleði verða haldnir í Listasafni Reykjavíkur á laugardag.

Á tónleikunum koma fram Ásgeir Trausti, Sísý Ey, Þórunn Antonía og Berndsen, DJ Margeir og Daníel Ágúst.

Í fréttatilkynningu segir að Páskagleðin sé einsett til að vera skemmtilegur viðburður með frábærum tónlistarmönnum, glæsilegu hljóðkerfi frá Nýherja og að viðburðurinn sé einn fyrsti sinnar tegundar um páskana og stefnt sé að því að senda tónlistargesti með bros á vör út í páskafríið.

Miða á tónleikana má nálgast á vef Miða.is, og í meðfylgjandi myndbandi er stutt spjall við Sísý Ey um tónleikana.