Laus við heimilisofbeldið

Modern Family-krúttið Ariel Winter hefur gengið í gegnum ýmislegt. Hún var tekin af móður sinni í nóvember í fyrra vegna gruns um að móðir hennar væri að beita hana líkamlegu og andlegu ofbeldi. Nú býr Ariel hjá systur sinni og líður mun betur.

"Ég var óörugg með líkama minn þegar ég var yngri og ég er enn óörugg. Það hjálpaði ekki að mamma studdi mig ekki. Systir mín er mjög dugleg að segja mér að ég líti vel út. Þetta snýst allt um að elska sjálfan sig," segir Ariel í viðtali við Teen Vogue.

Hún er mjög ánægð að búa hjá systur sinni sem er 34ra ára.

"Ég þekkti systur mina ekki þegar ég var að alast upp og ég mátti aldrei hitta hana. Mig langar að verða eins og systir mín þegar ég verð fullorðin. Mér finnst athyglisvert hvað við höfum náð vel saman á svona stuttum tíma."

Þú gætir unnið - vertu með okkur á Facebook.